வளர்ந்து வரும் மகளிடம்
வளர்க்கலாம் ஒரு பண்பையென்று
வளர்த்தேன் ஓராசை
கொஞ்சி மகளையழைத்து
கொஞ்சம் மண்
கொஞ்சம் விதைகள் ஈந்தேன்
சிறு தொட்டியில் மண்ணையிட்டு
சிறு மகளின் கைகளினால்
சிறு விதைகளை ஊன்றினேன்
வெண்டை வெடித்து முளைத்தது
வீடு மகிழ்ந்து திளைத்தது
இன்முகம் வந்தது – படம்
இன்ஸ்டாக்ராமில் பறந்தது
தோழிகளுக்கெல்லாம் ஆசையாம்
தோட்டமொன்று மாடியில் வைக்கவே
ஓரிடத்தில் விதைத்தது
ஓராறு இடங்களில் முளைக்கிறது
மண்ணில் விதைப்பதோடு
மனங்களில் விதைக்கும் போதே!
வாழ்க! வளர்க!
– பரமன் பச்சைமுத்து
சென்னை
06.02.2019
***Malarchi App***
Www.ParamanIn.com